Desh ke chunavi itihas main pahali bar varanasi ko P.M. chunane ka mouka mil raha.isliye yaha chunav ko lekar bahut utsah hai.Narendra Modi ne varanasi se chunav ladkar varanasi ko duniya ki nigahon main la diya hai.Duniya bhar ki midia varanasi main jami huyi hai.varanasi main b.j.p. ke narendra modi,congrss ke ajaya rai,aap ke kejariwal,ke sath s.p. aour b.s.p. ke ummidawar maidan main hain.pahale yaha se koumi morcha ke mukhtar ansari ladane wale the,lekin we ab chunav maidan se bhag khade huye hain.2009 ke chunav main mukhtar dusare number par the.unhe murali manohar joshi ne 17000 se chunav haraya tha.1889 main bengal se yek narendra nath dutt varanasi aye the.varanasi ne unhe viveka nand bana diya tha,2014 main gujarat se yek dusara narendra aya hai.dekhana hai ki varanasi inhe kya banati hai.modi varanasi ke liye naye nahi hain.unake pita 1940 ke aspas kabirchoura main chai bechate the.swatantrata ke bad we gujarat chale gaye.modi ka rishta varanasi se pidhiyon se hai.varanasi main gujaratiyon ki sankhya lagbhag 70000 hai.benarasi sadi ka sambandh surat se hai.ajay rai vranasi ke local hain. par kejariwal ke liye benaras yek dam naya hai.cong. aour b.j.p. ke sangathan yaha hain. lekin kejariwal ka koyi sangathan nahi hai.we kaise booth par chunav ladenge kahana mushkil hai.b.j.p. ne booth jito abhyan ched rakha hai.varanasi main mudde mehagayi aour bhrastachar hai.jatiya roop se benaras kabhi vote nahi deta.dharmik dhruwikaran yaha jarur hota hai.varanasi main kul 17 lakh matdata hain.isame 1lakh matdata yuwa hain.chunav ke utsah ko dekhate huye kaha ja sakata hai ki yaha kareeb 60% ke as pas matdan ho sakata hai.matalab lagbhag 10 lakh mat pad sakate hain.yahan brahaman,muslim,bhumihar,dalit,yadav,mallah,baniya,mahatwapurn vote hain.isake sath kareeb 2lakh matdata bharat bhar ke rajyon ke hain.jaise gujarat,maharashtra,sindhi,punjabi,dakshin bharatiya adi.benaras main harghar modi ka nara bahut lokpriya hai.yuwa varg modi modi chilla raha.Ganga main pradushan yaha chunavi mudda hai.varuna aour assi do nadiyon ke beech varanasi hai. dono nadiyon ki halat kharab hai.assi nadi nale main badal gayi hai.varuna ki halat bahut kharab hai.yah bhi chunavi mudda hai.modi 22 april ko namankan karenge.ajay rai aour kejariwal usake pahale hi namankan karenge.varanasi ke logon main modi ko lekar jabardast utsah hai.benaras pokharon ka shar raha hai.bahut se pokhare pat diye gaye hain.gnga ghaton ki sthiti bhi achi nahi hai.ghat paryatan ka mahatwapurn kendra hai.modi in sabhi samasyawon ka jikra bar bar karate rahe hain.varanasi ke logon ko viswas hai ki modi agar p.m. banate hain to varanasi ki samasyawon ka samadhan ho jayega.varanasi main chunavi sangharsh antatah modi banam congress hi hoga.kejariwal tesare number par rahenge.
No comments:
Post a Comment