Sunday 30 March 2014

CONG. KA VARANASI MAIN BURA HAL

Varanasi main congress abhi bhi apana prtashi nahi de payi hai.varanasi main der hone se congress ki sthiti hasyaspad ho chali hai.charcha yah ho rahi ki congress shayad arvind kejariwal ko varanasi main samrathan de de.Ajay Rai aour  Rajesh Mishra jaise congress ke pratyashi abhi bhi modi ko harane ka dawa kar rahe.dono hi 2009 ke chunav main Dr.Murali Manohar joshi ke hantho parajit ho chuke hain.Ajay Rai us samay s.p. ke partyashi the.aj cong. main aa gaye hain.Rajesh cong. ke pratyashi the.cong. ke alakaman ko in par viswas nahi hai. isliye wah bhari bharakam prtayashi ki khoj main lagi hai.yahan film star rekha ka bhi nam uchal raha hai.Digvijay singh pahale se tal thok rahe hain.abhi modi varanasi aye nahi hain.lekin modi ke nam ki charcha jor shor se chal rahi hai.

SHUBHKAMANA

Nav Samvatsar 2071 ki sabhi mitron ko shubhkamana.yah nav varsh ap sabhi ko shubh ho.Bharat main yek nayi shakti ka vistar ho yahi kamana karata houn.

Thursday 27 March 2014

BENARAS MAIN MODI KI LAHAR SE ANYA DAL PARESHAN

varanasi main narendra modi ki jit bahut asan hoti ja rahi.ab tak jo pratyashi hain uname-AAP ke kejariwal,koumi morcha ke Mukhtar ansari,B.S.P. ke vijaya jaisawal,S.P. kepratyashi,abhi tak aye hain.congress abhi apna pratyashi khoj rahi hai.varanasi main kul 17 lakh ke as pas vote hain.isamen 7 lakh sawarn matdata hain.3.5 lakh muslim matdata hain.1.4 lakh pure Bharat ke anya pranton ke matdata  hain.anya main dalit aour o.b.c. ke matdata hain.varanasi main hindu aour muslim maton ka dhruwikaran hota hai.mukhtar ansari ke aa jane se muslim vote ka adhikansh bhag unhe mil jayega.shesh voton ka vibhajan hoga.o.b.c. main yadav vote s.p. ko ja sakata hai.lekin kurmi vote ka adhikansh bhag modi ko milega.Brahamn modi ke sath hain.jo kareeb 2.5 lakh hain.vaishya aour kayasth vote modi ko milelenge.baniya vote modi ke sath hai.bhumihar vote kejariwal aour modi main bantenge.anya rajyon ke vote adhikansh main modi ke sath hain.baniya vote modi ke pas rahenge.jansangh ke jamane se hi baniya b.j.p. ke sath rahate aye hain.mallahon ke vote modi ko milenge.dekhate hain ki congress thakur pratyashi utarati hai ki brahaman.thakur vote abhi lagata hai ki modi ke sath hai.kyon ki abhi abhi snatak aour shikshak chunawon main b.j.p. ke do thakur ummidawar bhari maton se chunav jite hain.agar congress thakur ummidawar khada karati hai to vibhajan hoga.agar brahaman pratyashi utarati hai to voton ka vibhajan kam hoga.muslim voton ki sthiti yah hai ki jo modi ko harata hua dikhega wahi unaka vote payega.mukhtar murali manohar joshi ke khilaf 1,89000 vote paye the.jo joshi ji se keval 17000 vote kam tha.benars main log kah rahe hain ki modi se mukhtar ki hi ladayi hogi.kejariwal aour congress pratyashi bahut piche rahenge.s.p. aour b.s.p. modi ke khilaf ladayi main kahi nahi hain.jab ki mulayam sigh yadav bagal main azamgarh se chunav lad rahe hain.waise varanasi main abhi modi lahar dikhayi pad rahi hai.varanasi ke yuwa modi ke sath hain.yah sankhya lagabhag 2 lakh ke as pas hai.ye yuwa jati,dharm se upar uth kar modi ke paksh main bat kar rahe hain.varanasi main chunav ki sargarmi tej hai.pratyashi banane kebad modi abhi varanasi nahi aye hain.kejariwal ka doura ho chuka hai.unhe benarsiyon ne bahut tawajjo nahi di hai.b.s.p. aour s.p. pratyashi pahale se hi ghum rahe hain.congress pratyashi ka ghumana abhi baki hai.mukhatar ke log pahale se hi yaha prachar kar rahe.kul milakar ladayi dilchasp hai.is ladayi main modi ka palada bahut bhari hai.modi se log benaras ke vikas ki asha kar rahe hain.modi ko benarasi bahari nahi man rahe.unake pita shri damodar das modi pahale benaras main hi rahate the.benaras main gujaratiyon ki sankhya kareeb 60,000 hai.modi ki yah badi takat hai.dekhana hai ki modi ki jeet kitane maton se hoti hai.

Wednesday 19 March 2014

MODIMAY KASHI

Modi ke varanasi se b.j.p. ka pratyashi ghishit hone ke bad se varanasi duniya main charcha ka kendra ban gayi hai.duniya bhar ki midia ka jamawada varanasi main ho gaya hai.har chanel apani t,r.p. badhane ke liye varanasi main apana dafter khol chuke hain.chanels main varanasi ko dikhane hod machi huyi hai.chai ki adiyon par midia ka jamawada hai.modi ke paksha main bolane aour t.v.par chehara dikhane ki varanasiyon main mara mari chal rahi.chanelwale bhi unhe nirash nahi kar rahe.abhi modi ka varanasi ana nahi hua lekin har yuwa modi ban kar ghum raha.varanasi main modi ki sunami chal rahi.logon ko yah viswas hai ki vikas ke band darwaje varanasi ke liye khul jayenge.virodhi dalon ko modi ke khilaf chunav ladane ke liye ummidawaron ka tota pada hua hai.modi ke kad ka ummidawar koun ho is vichar chal raha.varanasi main vikas ke nam par muslim matdata bhi khamosh hain.kejariwal modi ke khilaf chunav ladane ke liye tal to thok rahe,lekin unako apana anjam pata hai.kejariwal chahate hain ki modi yekbar unake upar hamala kar den.kashi moksha ki nagari hai.kya kejariwal rajnitik moksh pane ki akancha se varanasi aa rahe?yah sawal yaha khoob charcha main hai.

Saturday 8 March 2014

Modi ke varanasi se chunav ladane ki khabar se b.j.p. karyakartawon main bhari utsah hai.kayi dino se varanasi main uhapoh ki sthiti bani huyi hai.kayi tarah ke afawah failaye ja rahe.kabhi modi aour joshi samarthakon main jhagada karaya ja raha.kabhi modi ko ummidawar banane ke liye hastakshar abhiyan chalaya ja raha.kabhi modi ke liye dharana diya ja raha.isase lagata hai ki b.j.p. varanasi main do khemon main banti huyi hai.yaha chunav ki taiyari lagabhag thapp padi huyi hai.yah thik nahi hai.jald se jald yaha ummidawar ki ghoshana kar deni chahiye.varanasi b.j.p. ka gadh hai. fir bhi b.j.p. main utsag
h banaye rakhana jaruri hai.agar modi ladate hain to AAp ke log kya kejariwal ko apana pratyashi banayenge?agar kejariwal varanasi se chunav ladenge to chunav bahut dilchasp hoga.kejariwal ko benarsi rajniti sikha denge.kyonki jo rajniti kejariwal kar rahe use benarasi bahut pahle se kar rahe hain.